AAK-ja jo koalicion me PDK-në

Partia Aleanca për Ardhmërinë e Kosovës ka pohuar të mërkurën se do ta dyfishonte buxhetin e Kosovës në rast se do të qeveriste me vendin, pas zgjedhjeve të dhjetorit, ndërkaq kanë garantuar qytetarët se AAK nuk e ka ndryshuar qëndrimin ndaj PDK-së, për një koalicion të mundshëm për qeverinë e ardhshme.
Anëtarja e Kryesisë së AAK-së, Melihate Tërmkolli në një mënyrë ka përjashtuar pohimet se gjoja këto dy subjekte do të bëjnë koalicion. Sipas saj, këto dezinformata po bëhen me qëllim të dëmtimit të Aleancës.

Tërmkolli gjatë një konference për media garantoi liberalizimin e vizave dhe rritjen e pagave për 70 për qind për punëtorët e sektorit publik.

Sipas saj, të gjitha janë të parapara në programin e partisë, të cilin do t’ia shpalosin qytetarit të Kosovës për zgjedhjet e 12 dhjetorit.